Almatyda úsh kúnde 65 mas júrgizýshi ustaldy
ALMATY. QazAqparat - Almatyda «Qaýipsiz jol» jedel-aldyn alý sharasy barysynda 65 mas júrgizýshi ustaldy, dep habarlaıdy «QazAqparat» HAA tilshisi qalalyq ІІD jergilikti polıtsııa qyzmetine silteme jasap.
Shara barysynda jol-patrýldi polıtsııa jasaǵy qarsy qozǵalys jolaǵyna shyǵyp ketý, jolda apatty jaǵdaı týdyrý, júrgizýshi kýáliginsiz avtokólik júrgizý jáne ózge jol qozǵalysy erejelerin buzýshylyqtardy anyqtaıdy jáne aldyn alady.
«Úsh kúnde jol megapolısterinde 65 júrgizýshi alkogoldi ishimdik pen esirtki zattaryna mas kúıinde ustaldy. Olar mas kúıinde kólik basqara otyrypp, ózine jáne jalpy qoǵamǵa qaýip tóndirdi. Ásirese oıyn-saýyq ǵımarattarynan shyqqan, spırtti ishimdikke sylqııa toıǵan júrgizýshilerdiń rólge kóbirek otyratynyn atap ótken jón», - dep habarlady Almaty qalalyq ІІD jergilikti polıtsııa qyzmeti basshysynyń orynbasary, polıtsııa polkovnıgi Joldasbek Almashov.
