Almatyda úsh kólik soqtyǵysyp, adamdar zardap shekti
ALMATY. QazAqparat - Búgin túnde Almaty mańynda sheteldik úsh avtokólik soqtyǵysty, dep habarlaıdy QazAqparat tilshisi.
Almaty qalasy Polıtsııa departamenti baspasóz qyzmetiniń málimetine sáıkes, 6-shy qyrkúıekte, túngi saǵat 02:20 shamasynda Іle joly boıymen kele jatqan «Hıýndaı Aktsent» markaly avtokólik araqashyqtyqty saqtamaǵany úshin baǵyttas kele jatqan «Shevrole traker» markaly kóligimen soqtyǵysady.
Soqqynyń yqpalymen «Hıýndaı aktsent» kóligi joldyń qarama-qarsy betine shyǵyp, ońtústik baǵytta kele jatqan «Toıota ıpsým» avtokóligimen soqtyǵysady.
Jol apatynyń saldarynan «Hıýndaı aktsent» júrgizýshisi men eki jolaýshysy, «Shevrole traker» avtokóliginiń júrgizýshisi dene jaraqattaryn alyp, aýrýhanaǵa jetkizildi.
Bul fakt Túrksib aýdandyq Polıtsııa basqarmasynyń qyzmetkerlerimen óndiriske qabyldandy.
