Almatyda úsh kólik pen avtobýs soqtyǵysyp qaldy

ALMATY. QazAqparat - Almatyda ál-Farabı dańǵylynda birneshe avtokólik soqtyǵysqan jol apaty boldy, dep habarlaıdy QazAqparat tilshisi.

Jol-kólik apatynyń vıdeosy áleýmettik jelide tarady.

Qalalyq polıtsııa deparatamentiniń baspasóz qyzmeti jol-kólik oqıǵasy 3 aqpan kúni saǵat 22:00 shamasynda bolǵanyn habarlady.

«Lexus» avtokóliginiń júrgizýshisi ál-Farabı dańǵylymen shyǵys baǵytynda kele jatyp, Remızovka burylysynda rýlge ıe bola almaı, «Mazda 626» avtokóligimen soqtyǵysqan. Onymen toqtamaı sol baǵytta ketip bara jatqan «Mazda Eunos» kóligine odan keıin «Yuotong» avtobýsyna baryp soǵylady. Abyroı bolǵanda, jol apatynan adam shyǵyny bolǵan joq. Іstiń mán-jaıy anyqtalýda», - dedi Almaty qalalyq PD tergeý basqarmasynyń bastyǵy Oljas Sháripov.