Almatyda úsh qabatty qonaqúı men gúl satatyn dúken súrildi
ALMATY. QazAqparat - Almatyda úsh qabatty qonaqúı men gúl satatyn dúkendi súrildi, dep habarlaıdy QazAqparat tilshisi.
Qulja dańǵylynyń boıynda ornalasqan bul ǵımaratta qonaqúı, dámhana men dúken ornalasqan. Sot sheshimimen onyń zańsyz turǵyzylǵany anyqtaldy.
«Jer qatynastary basqarmasynyń ǵımarat ıesi týraly sotqa bergen shaǵymy biraz ýaqytqa sozylǵan. Araǵa ýaqyt salyp sot otyrysyna núkte qoıyldy. Sot sheshimi boıynsha ruqsatsyz turǵyzylǵan ǵımarat buzylýy tıis. Alaıda, menshik ıesi bul sheshimdi oryndamaǵan. Jýyqta sot oryndaýshylarmen birigip, ǵımaratty kúshpen buzdyq»,- dedi qala qurylysy basqarmasynyń mamandary.
Byltyrǵy tekseris kezinde 180 sharshy metr gúl alańy da kóptegen zańbuzýshylyqtarmen salynǵany anyqtalǵan.
«Dúken eshbir jobalyq-smetalyq qujatsyz, joba sarapshylarynyń qorytyndysynsyz turǵyzylǵan. Avtorlyq jáne tehnıkalyq qadaǵalaýsyz salynǵan. Qurylystyń bolatyny týraly jaýapty oryndarǵa esh aıtylmaǵan. Sondaı-aq, bul ǵımarat qurylysy úshin turǵyn úıdi buzǵan. Bul «QR Sáýlet, qala qurylysy jáne qurylys týraly« zańynyń 34-2 baby, 2 bólimin buzý bop tabylad», - dedi basqarma mamandary.
