Almatyda úsh qabatty ǵımarat órtendi
ALMATY. QazAqparat – Almatyda úshqabatty ǵımarat órtendi, dep habarlaıdy QazAqparat.
Tótenshe jaǵdaılar departamenti taratqan aqparatqa qaraǵanda, 8 tamyz kúni saǵat 16:48-de 101 nómirine Túrksib aýdanynyń Jasúgirov kóshesindegi 311 úıde bolǵan órttiń kýágerlerinen kóptegen qońyraýlar kelip túsken. Tótenshe jaǵdaılar departamentiniń tehnıkalary men jeke quramy oqıǵa ornyna jóneltildi.
Órt sóndirýshiler oqıǵa ornyna jetkende kópsalaly ǵımarat órtenip jatty. Ǵımarat qulaýǵa shaq qalǵan edi. Órtti sóndirýge joǵary voltty toq symdary kedergi keltirdi.
Órt saǵat 17:39-da aýyzdyqtalyp, 18:40-ta tolyqtaı sóndirildi. Órtti sóndirýge 34 adam men 11 tehnıa jumyldyryldy. Jalyn sharpyǵan aýmaq pen órttiń shyǵý sebebi anyqtalyp jatyr.
