Almatyda úsh býyn ókilderiniń kezdesýi ótti
ALMATY. Aqpannyń 12-i. QazAqparat /Ádilet Musahaev/ - Búgin Almaty qalasy, Almaly aýdany ákimdiginde Uly Jeńistiń 65 jyldyǵyna oraı úsh býynnyń kezdesýi ótti,
dep habarlaıdy QazAqparat.
Sharaǵa Uly Otan soǵysy men Aýǵan soǵysyna qatysqan ardagerler jáne atalmysh aýdannyń tımýrshy jastary qatysty. Jıyn barysynda ardagerler qazirgi jastardyń patrıottyq sezimin nyǵaıta túsý úshin erlik jaıynda kóptegen áńgimeler aıtyp, ózderiniń tájirıbelerimen bólisti. «Jer betinde adamdar aýysyp otyrady. Qarttar ómirden ótkenimen olardyń ornyna árqashanda jas býyn kelip, ómir jalǵasa beredi. Búgingi kezdesý tárbıelik máni bar, jaksy jıyn dep oılaımyn», deıdi Uly Otan soǵysynyń ardageri Zeken Ádilbekov.
Jıynǵa kelgen mektep oqýshylary ardagerlerge arnap soǵys ýaqytynda shyqqan ánderdi oryndady.
