Almatyda úsh balany órtten qutqarǵan áskerı qyzmetshi marapattaldy

ASTANA. QazAqparat - Almatydaǵy Radıoelektronıka jáne baılanys áskerı-ınjenerlik ınstıtýtynda úsh balany órtten qutqarǵan oqý ortalyǵynyń áskerı qyzmetshisi, qatardaǵy jaýynger Nurqanat Dúısenov marapattaldy, dep habarlaıdy QazAqparat.

Instıtýt basshysy, polkovnık Asqar Musabekov áskerı qyzmetshige batyldyǵy men qaısarlyǵy úshin Qorǵanys mınıstriniń atynan alǵys bildirdi.

«Nurqanattyń batyl qadamy - ár qazaqstandyqqa úlgi bolarlyq, óıtkeni qaısarlyq pen batyldyq tanytý qyzmettik mindetti atqarý kezinde ǵana emes, ómirde kezdesetin kez kelgen jaǵdaılarda qajet», - delingen QR Qoǵanys mınıstrliginiń baspasóz habarlamasynda.

Eske salaıyq, oqıǵa bıylǵy 11 naýryz kúni Almatydaǵy Birinshi maı kóshesindegi jataqhanada boldy. Jumystan qaıtyp kele jatqan 25 jastaǵy Nurqanat Dúısen jataqhanadan shyqqan qoıý tútindi baıqaǵan, keıin terezelerdiń birinen kómek suraǵan daýysty estigen. Ol dereý kómekke umtylyp, 2013 jáne 2016 jyly týǵan eki balany ekinshi qabattaǵy tútin basqan bólmeden alyp shyqty. 2018 jyly týǵan úshinshi balany anasy terezeden laqtyrǵan. Nurqanat ony syrt kıimine qaǵyp alǵan.

Órt aýmaǵy 80 sharshy metrdi qurady.