Almatyda úsh bala qaýynnan ýlandy

dep habarlaıdy QazAqparat.

Tutynýshylar qaýyndy qalanyń Áýezov aýdanynda ruqsat etilmegen jerde satyp alǵan. Jeti, tórt jáne segiz jastaǵy úsh bala ortasha dárejedegi jaǵdaıda ınfektsııalyq aýrýhanaǵa tústi. Qazirgi ýaqytta jaǵdaılary jaqsarǵandyqtan olardy úılerine jiberdi. Baqsha ónimderi satylǵan oryn joıylyp, qalǵan 65 keli qaýyn jaramsyz, zııandy dep tabyldy.

Qazirgi ýaqytta Almaty qalasy boıynsha zerthanaǵa zertteýge jiberilgen 43 baqsha ónimderiniń 7-eýi normalarǵa saı bolyp shyqpaǵan. Bul qaýyndardyń 7-eýi de ruqsat etilmegen, ónimderdiń sapasyn jáne qaýipsizdigin kórsetetin arnaıy medıtsınalyq qujattary joq jerde satylǵan bolyp shyqty.

Qalanyń sanıtarly-epıdemıologııalyq qyzmeti aýyl sharýashylyq ónimderin satýǵa ruqsat etilmegen jerden alýǵa bolmaıtynyn eskertedi.

Mamandar jýylmaǵan jemis-jıdekter men kókónisterdi qabyldaýǵa, sondaı-aq satý oryndarda jep kórýge bolmaıdy dep keńes beredi. Sonymen qatar, olar jemis-jıdekter men kókónisterdi qatty aǵyn sýǵa jýyp alyp, ystyq sýmen shaıyp alyp jeý kerek dep eske salady.