Almatyda «Úsh arys» kitabynyń tusaýkeseri boldy
Bul kitap belgili qazaq qalamgerleri Sáken Seıfýllın, Beıimbet Maılın, Іlııas Jansúgirovtyń týǵanyna 125 jyl tolýyna oraı jaryq kórdi.
Sondaı-aq merekelik shara QR Jazýshylar odaǵynyń qurylǵanyna jáne «Qazaq ádebıeti» gazetiniń 85 jyl tolýymen tuspa tus kelip otyr.
«TÚRKSOI 25 jyldan astam ýaqyt boıy túrki áleminiń mádenı murasyn halyqaralyq deńgeıde nasıhattaý, saqtaý jáne zertteý jumystaryn belsendi atqaryp keledi. TÚRKSOI jyl saıyn túrki áleminiń mádenıeti men óneriniń damýyna qomaqty úles qosqan kórnekti mádenıet qaıratkerleriniń mereıtoılaryna oraı ataýly jyl jarııalap, mádenı shyǵarmashylyq sharalar (kontsertter, kórmeler, qoıylymdar, ǵylymı-praktıkalyq konferentsııalar) uıymdastyrý arqyly olardyń atyn dúnıejúzilik qaýymdastyqqa tanytyp jatyr. Bul basylym da Qazaq ádebıetiniń «Úsh arysy» qýǵyn-súrgin qurbandary Sáken Seıfýllın men Іlııas Jansúgirov, Beıimbet Maılınniń týǵanyna 125 jyl tolýyna oraı Qazaqstan sýretshileriniń olardyń shyǵarmashylyǵy týraly salǵan kórkemsýret týyndylarynan toptastyrylǵan», - dedi TÚRKSOI uıymynyń Qazaqstandaǵy ókili Asqar Turǵanbaı.
