Almatyda úsh adam ólimine kúdikti júrgizýshisi qamaldy
ALMATY. QazAqparat - QR ІІM Almatyda úsh adamnyń ómirin qıǵan jol apatyna kúdikti Gelandewagen júrgizýshisine qatysty túsinikteme berdi, dep habarlaıdy QazAqparat tilshisi.
"Gelandewagen... kóligine qatysty. Jol apatyna sebepker bolǵan kúdikti qazir sot sanktsııasymen ustaldy. Ol ýaqytsha ustaý oqshaýlaǵyshynda otyr. Sotqa deıingi tergeý amaldary júrgizilýde. Bul týraly qosymsha habarlaıtyn bolamyz ",- dedi Ortalyq kommýnıkatsııa qyzmetinen.
Aıta ketý kerek, jol apaty 29 jeltoqsanda boldy. Seıfýllın men Abaı kósheleriniń qıylysynda Mitsubishi Galant pen «Mercedes Benz G-55» kólikteri soqtyǵysqan. Jol apatynan Mitsubishi Galant kóliginde bolǵan úsh adam, belgili aktrısa Sholpan Elgezek pen onyń qurbysy jáne Mitsubishi Galant júrgizýshisi kóz jumdy.
Al, kólikte bolǵan aktrısa, M.Áýezov atyndaǵy qazaq memlekettik akademııalyq drama teatrynyń telejúrgizýshi Aızada Satybaldıeva alty qabyrǵasy synyp asa aýyr halde Almaty qalalyq shuǵyl kómek kórsetý aýrýhanasynyń jansaqtaý bólimine jetkizilgen edi.
Jol apatyna kináli «Mercedes Benz G-55» júrgizýshisi kóp uzamaı ustaldy. Polıtsııanyń habarlaýynsha, er adam kólikti mas kúıinde júrgizgen.
