Almatyda urylar túsip qalǵan vıdeolar jurtshylyq nazaryna usynyldy
ALMATY. QazAqparat - Almaty polıtsııasy qylmyskerlerdiń vıdeo, fotojýrnalyn jarııalady. Birinshi toptamada urlyq jasaýdy kásip qylǵandardyń kameradan alynǵan beıneleri kórsetilgen, dep habarlaıdy QazAqparat tilshisi.
Qalalyq ІІD Krımınaldyq polıtsııa basqarmasy usynǵan 43 faıldan birneshe qylmysqa qatysty dep kúdiktelip otyrǵan adamdardyń bet-júzi, sulbasyn kórýge bolady.
«Búginde BAQ pen áleýmettik jelini belsendi túrde qoldana otyryp, osy adamdardy taýyp, kim ekenin anyqtaýymyz kerek. Jobany júzege asyrmas buryn qoǵamnyń ınternettegi belsendiligine taldaý júrgizildi. Kóptegen qylmystar jurtshylyqtyń aralasýymen ashyldy. Azamattardyń belsendiligi bizdi qýantady. Osy joly da qala turǵyndary belsendilik tanytyp, qylmyskerlerdi ustaýda óz kómegin tıgizedi degen úmittemiz», - dedi qalalyq ІІD resmı ókili Saltanat Ázirbek.
Ǵalamtorǵa júktelgen vıdeolar toptamasyn myna silteme arqyly kórýge bolady.
