Almatyda ury ózin toqtatpaq bolǵan polıtseılerdiń birine pyshaq saldy
Áleýmettik jelide aıaldamada er adamdy uryp-soǵyp jatqan sát túsirilgen vıdeo tarady.
«Tımırıazev aıaldamasy. Birneshe er adam bir adamdy soqqyǵa jyqty», - dep jazady jeli qoldanýshy.
Óz kezeginde qalalyq polıtsııa oqıǵanyń mán-jaıyn túsindirdi.
« Vıdeoǵa ákki uryny ustaý kezi túsip qalǵan. Er adam Almaty aýmaǵynda úsh urlyq jáne bir tonaý jasady degen kúdikke ilindi. Ol- 1989 jyly týǵan Taraz qalasynyń turǵyny. Buǵan deıin ol urlyq jasaǵany úshin birneshe ret sotty bolǵan», - dep habarlady Almaty qalalyq polıtsııa departamentinen.
Vedomstvonyń málimetinshe, ustaý kezinde kúdikti polıtsııa qyzmetkerlerine qarsylyq kórsetip, tártip saqshylarynyń birin pyshaqpen jaralady.
Atalǵan derek sotqa deıingi tergep-tekserýdiń biryńǵaı tizilimine tirkeldi.
Kúdikti ustaldy.
