Almatyda urlyqpen aınalysqan Ózbekstan azamaty ustaldy
ALMATY. QazAqparat - Almatyda uıaly telefon urlaǵan Ózbekstan azamatyn polıtsııa ustady, dep habarlaıdy QazAqparat tilshisiń. Er adam Túrksib aýdanyndaǵy Sholohov kóshesinde ustaldy.
«№2 avtobýsqa kirgen kezde er adam bir jolaýshy qyzdyń sómkesinen uıaly telefonyn urlap ketken. Polıtsııa uryny alysqa uzatpaı ustady. 45 jastaǵy erkek Ózbekstan azamaty bolyp shyqty. Belgili bolǵandaı, ol Qazaqstanda zańsyz turyp jatqan. Onymen qosa, №29 avtobýsta taǵy bir er adam jolaýshynyń qujaty men aqshasy salynǵan ámııanyn qoldy etpek bolǵanda ustaldy. 38 jastaǵy er adam Almaty oblysynyń turǵyny bolyp shyqty», - dedi qalalyq ІІD krımınaldy polıtsııa basqarmasynyń basshysy Esen Ysqaqov. 
Onyń aıtýynsha, qazirgi tańda ІІD-de atalǵan eki derek boıynsha QR QK 188-baby boıynsha sotqa deıingi tergeý jumystary bastalǵan.
