Almatyda urlyq azaıdy

ALMATY. QazAqparat – Almaty polıtsııasy qaladaǵy ahýal týraly málim etti, dep habarlaıdy QazAqparat tilshisi.

Jyl basynan beri Almaty qalasynda bótenniń múlkin urlaý sany 36,7% tómendedi. Qoǵamdyq oryndarda 662 urlyq jasaldy, bul ótken jylmen salystyrǵanda 5,8 ese az.

«Sonymen qatar, 5 aıda buǵan deıingi jyldary jasalǵan urlyqqa qatysty – 102, alaıaqtyqtyń 140 faktisin ashyldy. Sonymen qatar, atalǵan kezeńde qoǵamdyq oryndarda, ıaǵnı saýda ortalyqtarynda, bazarlarda, qoımalarda, kompıýterlik klýbtarda jeke múlikti urlaýmen aınalysyp kelgen 35 qylmystyq toptyń joly kesildi. Budan bólek, 131 ákki ury ustaldy, olardyń bótenniń múlkin urlaý boıynsha 214 faktige qatysy bary dáleldendi», - dedi Almaty qalalyq Polıtsııa departamenti krımınaldyq polıtsııa basqarmasynyń bastyǵy Qýatbek Naýatov.