Almatyda urlanǵan ton men júziktiń ıesi izdestirilip jatyr
ALMATY. QazAqparat - Almatyda Túrksib aýdandyq ІІB polıtseıleri urlanǵan zattardyń ıesin izdestirip jatyr, dep habarlaıdy QazAqparat tilshisi.
Qalalyq ІІD baspasóz qyzmetiniń habarlaýynsha, kúdikti páterlerdi tonap, qundy zattardy úptep ketip otyrǵan.
«Bul adam eki páterdi tonady degen kúdik bar. Bul ister boıynsha aıǵaq zattary tárkilendi.Altyn júzik pen bulǵyn ton kimdiki ekeni belgisiz. Bul zattardy protsessýaldy tártippen sýretin jarııalap, ıesin izdestirip jatyrmyz. Eger zattaryn tanyǵan adam bolsa 298-54-60, 298-54-62 jáne 8-701-722-27-81 telefondaryna habarlassyn», - dedi Túrksib aýdany ІІB janyndaǵy polıtsııa bóliminiń basshysy Murat Qaspaqbaev.
