Almatyda urlanǵan telefondardyń IMEI kodyn buzǵan programmıst ustaldy
ALMATY. QazAqparat- Almatyda urlanǵan telefondardyń IMEI kodyn buzǵan programmıst ustaldy, dep habarlaıdy QazAqparat tilshisi.
Krımınaldyq polıtsııanyń málimetinshe, 27 jastaǵy M. esimdi azamat zańsyz is-áreketin qalanyń Túrksib aýdanynda ornalasqan óz úıinde jasaǵan.
«Kúdiktiniń turǵylyqty jerin ruqsat etilgen tintý kezinde 42 qoldanylǵan uıaly telefon, noýtbýk, eki planshet jáne bir jeke kompıýter tabylyp tárkilendi. Olardyń kómegimen kúdikti abonenttik qurylǵynyń sáıkestendirý kodtaryn (IMEI) ózgertgen. Sonymen qatar, kúdiktiniń óziniń qylmystyq maqsatyn júzege asyrý úshin arnaıy kompıýterlik baǵdarlamany qoldanǵan», – deıdi Almaty qalalyq polıtsııa departamenti bastyǵynyń orynbasary Berik Ábilbekov.
Ustalǵan adamnyń is-áreketi QR QK 213-babyna sáıkes kvalıfıkatsııalanǵan.
Tárkilengen tsıfrlyq qurylǵylardyń ıelerin anyqtaý úshin jedel is-sharalar qabyldanýda.
