Almatyda urlanǵan telefondardyń IMEI kodyn aýystyryp satatyndar ustaldy
ALMATY. QazAqparat– Almatydaǵy saýda ortalyqtarynyń satýshylary urlanǵan telefondardyń IMEI-kodyn ózgertip, satyp kelgen. Mundaı aqparatty Almaty qalalyq Polıtsııa departamentinen málim etti, dep habarlaıdy QazAqparat tilshisi.
24 qazan kúni tártip saqshylary «Megataý» jáne «Aerovokzal» saýda ortalyqtarynda reıdtik sharalar ótkizdi. Onyń barysynda satýshylar urlanǵan telefondardyń IMEI-kodyn ózgertip, satyp kelgendigi anyqtalǵan.
«Atalǵan faktiler boıynsha QR QQ-niń 213-baby 3-bóligimen (Uıaly baılanystyń abonenttik qurylǵysynyń sáıkestendirý kodyn, abonentti sáıkestendirý qurylǵysyn quqyqqa syıymsyz ózgertý, sondaı-aq abonenttik qurylǵynyń sáıkestendirý kodyn ózgertýge arnalǵan baǵdarlamalardy jasaý, paıdalaný, taratý) is qozǵaldy. Kúdikke ilingen saýdagerler týraly aqparat tergeý jumystaryna baılanysty jarııalanbaıdy», - delingen taratylǵan málimette.
