Almatyda urlanǵan kólikpen jaıaý júrginshiler jolyna shyǵyp ketken júrgizýshi ustaldy
ALMATY. QazAqparat – Almatyda polıtsııa jeńil kólikti jaıaý júrginshilerge arnalǵan jolda qýyp júrip ustady, dep habarlaıdy QazAqparat tilshisi.
Bul týraly vıdeo áleýmettik jelide jarııalandy.
Instagram jelisindegi birneshe vıdeoda jeńil kólik júrgizýshisi polıtsııanyń talabyna baǵynbaı, jol erejesin óreskel buzyp, polıtsııadan qashqany túsip qalǵan.
Beınekadrda júrgizýshi Arbat kóshesine shyǵyp ketken. Polıtseıler kóliktiń izine túsken.
Qalalyq Polıtsııa departamenti baspasóz qyzmetiniń habarlaýynsha, patrýldik polıtsııa polkiniń qyzmetkerleri Jetisý aýdanynda urlanǵan «Toyota» kóliginiń izine túsken.
«Toqta degen talapty júrgizýshi elemegen. Arbattaǵy jaıaý júrginshiler jolyna shyǵyp ketti. Abyroı bolǵanda, adamdar japa shekken joq. «Býran-080» ekıpajy urlanǵan kólikti jan-jaǵynan qorshap toqtatty. Kólikti urlaǵan adam ustaldy. Qazir polıtsııa istiń mán-jaıyn anyqtap jatyr», - dedi Polıtsııa departamentiń baspasóz qyzmeti.
