Almatyda UOS ardagerleriniń uıymdastyrýymen tazalyq aktsııasy ótip jatyr
ALMATY. 22 qazan. QazAqparat /Názıra Eleýhan/ - Búgin Almatyda Almaly aýdany Ardagerler keńesiniń uıymdastyrýymen aýdan aýmaǵyn sanıtarlyq tazartý senbiligi aıasynda «Urpaqtar sabaqtastyǵyn saqtaıyq!» atty aktsııa ótip jatyr.
«Búgingi shara bizdiń aýdan ardagerleriniń bastamasy. Aktsııa otansúıgishtikti nyǵaıtyp, ońtústik astanamyzdyń turǵyndaryn qorshaǵan ortaǵa meıirimmen qaraýǵa shaqyrý maqsatynda arnaıy uıymdastyrylyp otyr. Búginde aýdanymyzdyń eń jas ardageri 85 jasta. Jastarynyń ulǵaıýyna qaramastan bizdiń ardagerler óz qalalary men týǵan eline degen ystyq yqylasynyń arqasynda áli de tynymsyz úles qosýdy borysh sanaıdy»,- dedi Almaly aýdany Ardagerler keńesiniń tóraǵasy Zeken Ádilbekov.
Shara barysynda ardagerler qala turǵyndaryn senbilikke qatysýǵa shaqyrdy.
Qazirgi kezde Almaly aýdanynda 357 Uly Otan soǵysy ardagerlerimen qatar, 3340 eńbek ardageri turady.
