Almatyda ýnıversıtetterdiń akademııalyq erkindigin iske asyrý jaǵdaıyndaǵy bilim berý sapasy talqylanady
ALMATY. 15 qańtar. QazAqparat - Almatyda T. Rysqulov atyndaǵy Qazaq ekonomıkalyq ýnıversıtetinde (QazEÝ) aǵymdaǵy jylǵy 22-23 qańtarda «Úzdiksiz ekonomıkalyq bilim berý: oqytýdy jáne ádistemelik qamtamasyz etýdi jańartý» atty IX respýblıkalyq oqý-ádistemelik konferentsııa ótedi. Negizgi taqyryby - «Ýnıversıtetterdiń akademııalyq erkindigin iske asyrý jaǵdaıyndaǵy bilim berý sapasy», dep habarlady QazEÝ baspasóz qyzmeti.
Konferentsııaǵa QR BǴM, joǵary oqý oryndary, eldiń ǵylymı qoǵamdastyqtary men bıznes-qaýymdastyqtary ókilderi, bıznes-bilim berý, qaıta daıarlaý jáne biliktilikti arttyrý baǵdarlamalarynyń uıymdastyrýshylary qatysady.
Baǵdarlamada - sektsııalyq otyrystar, «dóńgelek ústelder», semınarlar, memlekettik tildegi oqýlyqtar men oqý quraldarynyń tusaýkeseri, 2013 jylǵy «T. Rysqulov atyndaǵy QazEÝ-diń úzdik oqytýshysy», «Oqyrmany kóp fakýltet» jáne «Eń suranysqa ıe oqýlyq» konkýrstarynyń qorytyndylaryn shyǵarý.
Negizgi is-sharalardyń biri - T. Rysqulov atyndaǵy QazEÝ janyndaǵy QR BǴM Joǵary jáne joǵary oqý ornynan keıingi bilim berýdiń respýblıkalyq oqý-ádistemelik keńesiniń «Áleýmettik ǵylym, ekonomıka jáne bıznes» mamandyqtar toby jónindegi oqý-ádistemelik keńesiniń otyrysy, onda «RF ekonomıkalyq mamandyqtardyń OÁK róli men zamanaýı fýnktsııalary», «Akademııalyq erkindikter - olardy iske asyrý problemalary men perspektıvalary», «Akademııalyq utqyrlyqty oqý-ádistemelik súıemeldeý» máseleleri talqylanady. Konferentsııa jumysynyń qorytyndysymen usynymdar qabyldanady.
