Almatyda Ýnıversıada Alaýy jaǵyldy
ALMATY. QazAqparat - Almatyda ál-Farabı atyndaǵy qazaq ulttyq ýnıversıtetinde 2017 jylǵy 28-shi Dúnıejúzilik qysqy Ýnıversıada Alaýy estafetasynyń basty alaýy jaǵyldy, dep habarlaıdy QazAqparat tilshisi.
Ál-Farabı atyndaǵy qazaq ulttyq ýnıversıtetiniń úzdik stýdenti Aısýlý Ernııazova estafeta alaýyn Almaty ákimine tabys etti. Alaýdy Ulttyq ýnıversıtet alańymen alyp ótken Baýyrjan Baıbek ony Olımpıada chempıony Dmıtrıı Balandınge tabys etti.
Endi Alaýdy velleıbolshy sulý Sábına Altynbekova, Dáýlet Turlyhanov, Amalbek Tshanov syndy elimizge tanymal tulǵalar qala kóshelerimen alyp júredi.
Aıta keteıik, resmı tasymaldaýshy «Eır Astana» kompanııasy elimizdiń aımaqtarynan 15 Alaýdy Almaty qalasyna jetkizdi.
