Almatyda Ýnıversıada-2017 nysandarynyń qaýipsizdigi tekserildi

ALMATY. QazAqparat - Almatyda qysqy Ýnıversıada-2017 nysandaryna qaýipsizdik turǵysynan tekserý júrgizildi. Bul týraly búgin Almaty qalalyq tutynýshylar quqyǵyn qorǵaý jónindegi departamenttiń baspasóz qyzmetinen habarlady.

«Almatyda adam ómiri men densaýlyǵyna jáne qorshaǵan ortaǵa tónýi múmkin qaýip-qaterlerdi boldyrmaý maqsatynda Almaty qalasy ákiminiń tapsyrmasyn oryndaý úshin, Qysqy Ýnıversıada-2017 nysandarynda radıologııalyq jáne toksıkologııalyq qaýipsizdik boıynsha zerthanalyq-aspaptyq zertteý júrgizildi.   Medeý aýdanyndaǵy 3000 myń oryndyq Muz arenasy men 12 000 myń oryndyq Muz saraıy jáne 5000 oryndyq atletıkalyq qalashyqtaǵy tekserý jumystaryn Almaty qalasynyń tutynýshylar quqyǵyn qorǵaý jónindegi departamenti jáne «Ulttyq saraptama ortalyǵy» RMK júrgizdi», - delingen habarlamada.     

Júrgizilgen zerthanalyq-aspaptyq zertteýler, ıaǵnı dozımetrlik baqylaý, bólmelerdiń aýasynda radon quramy men onyń ydyraǵan ónimderiniń mólsheri, qurylys materıaldary men basqa da buıymdardyń radıoaktıvtik deńgeıi ólshendi. Zertteý qorytyndysy boıynsha olardyń Qazaqstan Respýblıkasynyń normatıvtik qujattarynyń talaptaryna saı ekendigi anyqtaldy.