Almatyda Universal Studios ispetti nysandar paıda bolady

ASTANA. QazAqparat - «Qazaqfılm» eleýli ózgeristerge ushyraıdy. Bul týraly Májiliste «Kınematografııa týraly» zań jobasyn tanystyrý kezinde Mádenıet jáne sport mınıstri Arystanbek Muhamedıuly málim etti, dep habarlaıdy QazAqparat.

«Zańnamamen «Qazaqfılm» fılmderdiń óndirisinde qalýyn bekitkimiz keledi. Osyǵan deıin dekoratsııalardy basqa jerlerde quratynbyz. Qazirgi kezde barlyq dekoratsııalardy «Qazaqfılm» aýmaǵynda salyp jatyrmyz. Bizdiń maqsatymyz - «Qazaqfılm» aýmaǵyn Los-Andjelestegi «Universal Studios» sııaqty deńgeıge jetkizý. Sol dekoratsııa keleshekte basqa fılmderdi túsirýge kerek bolatyny anyq», - dep atap ótti A. Muhamedıuly.

Sonymen qatar ol osyndaı qadam kórermenderdi kóptep tartýǵa yqpal etetinin atap ótti.

«Týrısterdiń, balalardyń qyzyǵýshylyǵyn arttyrady. Máselen, «Universal Studios» aýmaǵyndaǵy nysandardy aralaýǵa barsha álemnen adamdar keledi. Sondyqtan «Qazaqfılm» aýmaǵynda búkil kınoǵa baılanysty dekoratsııalardy qamtýdy kózdep otyrmyz. Birinshiden, «Qazaqfılm» aýmaǵy AEA bolǵasyn, atalǵan nysandardy turǵyzý arzanyraq túsedi. Ekinshiden, ol jerge mýzeı salyp, tıisti jaǵdaı jasaýymyz kerek», - dedi vedomstvo basshysy.

Osy oraıda A. Muhamedıuly zań jobasymen arnaıy ekonomıkalyq aımaq belgilegennen keıin, «Qazaqfılm» aýmaǵy saqtalyp, bolashaqqa qyzmet etetinin jetkizdi.

«Kınoǵa jeke kapıtaldy tartý esebinen, sondaı-aq sheteldik kompanııalardyń kelýi, qurylys, qyzmet kórsetý, ishki ári syrtqy týrızm, qosymsha jumys oryndary, jańa tehnologııalardy tartý sekildi mańyzdy salalardy damytýǵa  múmkindik beriledi», - deıdi ol.