Almatyda úndi shtamynyń paıda bolýyna baılanysty revaktsınatsııa qajet pe
ALMATY. QazAqparat – Almaty qalasy sanıtarııalyq-epıdemıologııalyq baqylaý departamentiniń basshysy, qalanyń bas memlekettik sanıtar dárigeri Jandarbek Bekshın «úndi» shtamynyń paıda bolýyna baılanysty revaktsınatsııa qajet pe, joq pa?» degen saýalǵa jaýap berdi, dep habarlaıdy QazAqparat tilshisi.
«Revaktsınatsııa máselesi kóterilgen joq. Óıtkeni «Spýtnık V» vaktsınasy barlyq belgili mýtatsııalanǵan shtamdardy ınfektsııadan qorǵaıdy. Bul týraly vaktsına ázirleýshilerdiń resmı málimdesi bar. Sonymen qatar QazVac vaktsınasy úndi shtamyna tótep bere alady», - dedi Jandarbek Bekshın brıfıngte.
Onyń aıtýynsha, Almatyda koronavırýs ınfektsııasyn qaıta juqtyrýdyń 32 jaǵdaıy tirkelgen. 360 myńnan astam adam vaktsına aldy.
«Qalada ınfektsııany qaıta juqtyrýdyń 32 jaǵdaıy tirkeldi. «Spýtnık V» vaktsınasynyń tıimdiligi 92% kórsetti. Immýnıtettiń qalyptasýy adamnyń aǵzasyna baılanysty. Birinde ımmýnıtet bar, endi birinde álsiz», - dep qosty ol.
Eske sala keteıik, buǵan deıin Jandarbek Bekshın Almatyda 37 jastaǵy úı sharýasyndaǵy áıelden koronavırýstyń úndi shtamy tabylǵanyn aıtqan bolatyn.
