Almatyda úndi shtamyn juqtyrǵandar sany kóbeıip barady
ALMATY. QazAqparat - Almatyda «delta» shtamyn juqtyrǵandar sany kóbeıip barady. Bul týraly qala ákiminiń orynbasary Erjan Babaqumarov málim etti, dep habarlaıdy QazAqparat tilshisi.
«Qalada sońǵy 10-14 kún ishinde ınfektsııa deńgeıiniń «kóldeneńinen» kóterilýi baıqaldy. Eger basynda «delta shtamm» jalpy aýrý juqtyrylǵandardyń 23% -yn qamtysa, búginde bul kórsetkish 78% -ǵa jetti. Buǵan deıin, táýligine 144 aýrý juqtyrý deregi tirkelse, búginde ol 305-ke jetken. Infektsııa juqtyrǵandardyń basym bóliginde aýrý belgisi bar, al sımptomy bilinbeıtinder nebári 23 adam», - dedi ol.
Ákim orynbasary qazirgi epıdemıologııalyq jaǵdaıǵa baılanysty azamattardy vaktsınalaýǵa shaqyrý mańyzdy ekenin de aıtty.
Aıta keteıik, Almaty oblysynda koronavırýstyń «Delta» shtamyn juqtyrýdyń 2 jaǵdaıy tirkeldi.
