Almatyda Uly Jeńistiń 65 jyldyǵyna arnalǵan velosherý ótti
Y. Mamyrdyń 8-i. QazAqparat /Erbol Azanbek/ -Búgin Almatyda qala ákimdigi men Azııa oıyndary dırektsııasynyń uıymdastyrýymen Uly Jeńistiń 65 jyldyǵyna arnalǵan velosherý ótti,
dep habarlaıdy QazAqparat.
Uıymdastyrýshylardyń aıtýynsha, sharanyń maqsaty Uly Otan soǵysy Jeńisiniń 65 jyldyǵy men 7-shi qysqy Azııa oıyndaryn nasıhattaýǵa baǵyttalǵan. Sharaǵa soǵys ardagerleri, sondaı-aq qala turǵyndary, qonaqtary qatysty. Velosherýge qatysýshylar Ál-Farabı kóshesimen Táttimbet kóshesiniń qıylysynda bastalyp, Ál-Farabı kóshesimen Navoı kóshesiniń qıylysyndaǵy Dendroparkke deıin júrip ótti. Іs-shara sońynda velosherý jeńimpazdary marapattalyp, ardagerlerge arnalǵan kontserttik baǵdarlama bolady.
