Almatyda Uly Otan soǵysynyń 65 jyldyǵyna arnalǵan «Jeńis. Estelikter. Otanshyldyq» atty Respýblıkalyq baıqaýdyń qorytyndysy jarııalandy

dep habarlaıdy QazAqparat.

«Respýblıkalyq baıqaý 2009 jyldyń 1 qyrkúıeginen bastalyp, naýryzdyń 31-ne deıin ótti. Osy ýaqytqa deıin, arnaıy qurylǵan qazylar alqasy elimizdiń 13 aımaǵynan kelip túsken 267 shyǵarmanyń ishinen qazaq jáne orys tilinde jazylǵan eń úzdik 5 shyǵarmany tańdap aldy. Aqmola, SQO, ShQO jáne Almaty oblysynyń oqýshylarynan kóp shyǵarma kelip tústi, olar óte jaqsy belsendilik kórsetti dep aıtýǵa bolady. Qazylar alqasyn shyǵarma jazýda oqýshylardyń muraǵat materıaldaryn qoldanyp, tyń derekterdi usynǵandyǵy, sonymen qatar, ardager ata-ájelerinen suhbat alyp, tarıhshylar bilmeıtin derekterdi keltirip jazǵandyǵy, bir otbasynyń soǵys kezindegi ómiri sýrettelip, kınoǵa sıýjet bolatyndaı shyǵarmanyń jazylǵandyǵy, sondaı-aq, orys balalardyń qazaq tilinde shyǵarma jaza bilgendigi jáne jalpy barlyq balalardyń izdenimpazdyǵy qýantty. Mundaǵy jańa derekter biz úshin, tarıh úshin de qundy. Sondyqtan, biz aldaǵy ýaqytta eń úzdik shyǵarmalardy iriktep, kitap basyp shyǵarýdy josparlap otyrmyz», dedi jýrnalıstıka fakýltetiniń BAQ menedjmenti jáne jarnama kafedrasynyń dotsenti Gúlmıra Sultanbaeva.

Ol sonymen qatar, jastar óz shyǵarmalarynda tek Jeńis kúnin ǵana emes, sonymen qatar sol alasapyran jyldardan habary bar ekendigin kórsetti. Olardyń shyǵarmalaryn qatysýshylardyń Jeńis kúnine óz tarapynan qosqan úlesi dep bilemiz. Bul jastar boıyndaǵy Otanshyldyq qasıet», dep atap ótti G. Sultanbaeva. Onyń aıtýynsha, baıqaýdyń aıasy Úkimettik emes uıymdardyń qoldaýynyń arqasynda óte keń ótken.

Baıqaýda qazaq tilindegi Taraz qalasynyń oqýshysy Omarova Aıagúldiń, Aqtóbe qalasynyń eki oqýshysy Shamǵonov Azamat pen Múlkimanova Áıgerimniń jáne Batys Qazaqstan oblysynyń oqýshylary Qadyrova Aıagóz ben Qubaeva Asylzadanyń shyǵarmalary eń úzdik dep tanyldy. Al, orys tilinde BQO-nyń oqýshysy Búkejanova Nurgúldiń, ShQO-nyń oqýshysy Nazdrıýhın Aleksandrdiń, SQO-nyń oqýshysy Voloshına Ekaterınanyń jáne Aqmola oblysynyń oqýshylary Krıstına Sofronova men Sadıeva Dınanyń shyǵarmalary úzdikter qataryna endi. Júldegerlerdiń barlyǵyna sertıfıkattar men arnaıy taǵaıyndalǵan syılyqtar tabystaldy.

Baıqaý ál-Farabı atyndaǵy QazUÝ jýrnalıstıka fakýltetiniń ıÝNESKO kafedrasy men Úkimettik emes uıymdardyń Almaty Konfederatsııasy «Áriptes» buqaralyq aqparat quraldarynyń aqparattyq demeýshiligimen birlesip uıymdastyrylǵan.