Almatyda «Uly dala-2018» etnofestıvali ótedi
ALMATY.QazAqparat- Almatyda jyl saıyn ótetin dástúrli «Uly dala - kóshpendiler álemi» festıvali bıyl erekshe bolmaq. Bul týraly sharanyń uıymdastyrýshylary QazAqparat tilshisine aıtyp berdi.
«Uly dala-2018» festıvali 23-24 maýsym kúnderi «Boraldaı saq qorǵany» saıabaǵynda ótedi.
Festıval qonaqtary - Vengrııa, Mońǵolııa, Ýkraına, Ózbekstan, Bashqurtstan, Daǵystan, Saha, Tyva, Altaı Respýblıkasy halqynyń ókilderi.
Bul jolǵy festıvalda batyrlardyń jekpe-jegi ǵana kórsetilip qoımaıdy. Sonymen qatar qazaqtyń ulttyq óneri «Báıgeden» jarys uıymdastyrylady.
«Bıylǵy festıvaldiń byltyrǵydan aıyrmashylyǵy saıys tizimin taǵy bir qazaqtyń ulttyq sport túri tolyqtyrýynda. Bul joly báıge ótedi. Sondaı-aq qolónershiler túrli sheberlik sabaǵyn ótkizedi. Festıval qonaqtary ulttyq dámnen aýyz tıedi. Bıylǵy sharanyń basty ereksheligi retinde bas júldege avtokólik tigiletinin aıta ketý kerek»-dedi «Uly dala-2018» festıvaliniń uıymdastyrýshylary.
