Almatyda «Ulttyq zań jáne BAQ týraly halyqaralyq standarttar» atty jobanyń tanystyrylymy boldy
ALMATY. Aqpannyń 25-i. QazAqparat /Ádilet Musahaev/ - Búgin Almatyda Qazaqstan qylmysnamalyq qaýymdastyǵynyń «Ulttyq zań jáne BAQ týraly halyqaralyq standarttar» atty jobasynyń tusaýkeseri ótti,
dep habarlaıdy QazAqparat.
Aqparattyq keńistiktiń damýy demokratııalyq qoǵamnyń negizgi belgileriniń biri bolyp tabylady. Qazaqstan Respýblıkasy táýelsizdikke qol jetkizgennen keıin Zańda adamnyń jáne azamattyń negizgi quqyqtary, sonyń ishinde aqparattardy taratý jáne buqaralyq aqparat salasyndaǵy quqyqtary týraly jazylǵan. BAQ salasyndaǵy Qazaqstannyń zańdylyǵyna halyqaralyq jáne ulttyq úkimettik emes uıymdardyń, EQYU sarapshylary tarapynan berilgen synı kózqarastar barshylyq.
2009 jyldyń jeltoqsan aıynan bastap Qazaqstan qylmysnamalyq qaýymdastyǵy Eýropalyq keńestiń qoldaýymen atalmysh jobany iske asyrýda.
«Jobanyń negizgi maqsaty - QR ulttyq zańyn zertteý jáne halyqaralyq standartty sáıkestigin salystyrý úshin saraptamalyq materıal daıydaý. Naqty tapsyrma Qazaqstan Respýblıkasy aımaqtaryndaǵy barlyq tilshilermen jumys barysynda kezdesýler ótkizý, ótken kezdesýlerdiń qorytyndysy boıynsha BAQ týraly balama zań jobasyn jáne halyqaralyq standarttarǵa úılesimin keltirý joldaryn tabý», deıdi atalmysh qaýymdastyqtyń atqarýshy dırektory Inna Býıankına.
Bul jobanyń jumysy eki jylǵa jalǵaspaq.
