Almatyda Ulttyq ulan sarbazdary 100 jastaǵy soǵys ardagerin quttyqtady
ALMATY. QazAqparat - Almatyda qarttar kúnine oraı Ulttyq ulannyń áskerıleri soǵys ardageri men Ulttyq ulan ardagerlerin quttyqtady, dep habarlaıdy QazAqparat tilshisi.
Qazaqstan Respýblıkasy Ulttyq ulany «Ońtústik» óńirlik qolbasshylyǵy qolbasshysynyń orynbasary polkovnık Nııaztaı Álkeshev, Ulttyq ulannyń áskerı qyzmetshileri, Ardagerler keńesiniń ókilderi Uly Otan soǵysynyń ardageri Qaıyrly Ýataıuly Jonqabaevtyń úıine bardy.
Olar 100 jasaǵan ardagerdi qarttar kúnimen quttyqtap, syı-sııapat tapsyrdy.
Nııaztaı Álkeshev soǵys ardagerine QR Іshki ister mınıstriniń orynbasary - Ulttyq ulan Bas qolbasshysy, general-leıtenant Rýslan Jaqsylyqov pen QR Ulttyq ulany «Ońtústik» óńirlik qolbasshylyǵynyń qolbasshysy, general-maıor Talapker Ámireevtiń quttyqtaý hattaryn oqyp, tapsyrdy.
Sondaı-aq, bul kúni Ulttyq ulan ardagerlerine de quttyqtaý aıtylyp, marapat tabystaldy.
QR Ulttyq ulany «Ońtústik» óńirlik qolbasshylyǵynyń baspasóz qyzmetiniń málimetinshe, qazirgi tańda qolbasshylyq esebinde 80-ge jýyq egde jastaǵy ardager bar.
Óńirlik qolbasshylyqqa qarasty 10 áskerı bólim osy ardagerlerdi qamqorlyqqa alǵan. Búgin ár ardagerge baryp, merekemen quttyqtap, syı-sııapat jasady.
