Almatyda Ulttyq ulan ofıtseri balaly áıel men qarııany órtten qutqardy
ALMATY. QazAqparat – Almatyda Ulttyq ulan ofıtseri ıt qaýyp alǵanyna qaramastan balaly áıel men qarııany órtten qutqardy, dep habarlaıdy QazAqparat Ulttyq ulan baspasóz qyzmetine silteme jasap.
«18 shilde kúni saǵat 22.30-der shamasynda №5572 áskerı bólim top komandıriniń orynbasary kapıtan Ádiljan Aqrıev úıinde júrip, terezeden qarsy bettegi úıdiń órtenip jatqanyn baıqap qalady.
Dereý órt shyqqan úıge bet alyp, turǵyndary qutqarýǵa kirisip ketedi. Úıge kirgen bette birinshi kezekte sábıi bar áıeldi kóredi. Birden balany kórpege orap, anasy ekeýin syrtqa alyp shyǵady», delingen habarlamada.
Qaıta oralǵanda aýladaǵy ıt aıaǵyn tistep alady. Onyń ústine bul ýaqytta kirer esikti jalyn shalyp, ishke ený múmkin emes bolyp bara jatqan edi. Biraq, Ádiljan aıaǵynyń qanaǵanyna qaramaı, kórshi úıden saty ákelip, ishke kiredi. Shatyryna deıin janyp jatqan úıden sońǵy sátterde úlgerip ájeıdi de alyp shyǵady.
Saǵat 22.46 kezinde órt sóndirýshiler kelip, tilsiz jaýdy tolyqtaı aýyzdyqtap, úıden taǵy eki kisini alyp shyǵady.
Kapıtan Ádiljan Akrıevti jedel járdem polıklınıkaǵa jetkizip, ıt qapqanǵa baılanysty qutyrýǵa qarsy ekpe jasady.
