Almatyda ulttyq saz aspaptaryn jasaýshy sheberlerdiń I Respýblıkalyq kórmesi ótedi

ALMATY. 19 naýryz. QazAqparat - Almatyda 28 naýryz kúni  Qazaqstan Respýblıkasy Memlekettik Ortalyq mýzeıi men «Ǵalamart» shyǵarmashyl jastar klýbynyń uıymdastyrýymen «DALA SAZY» atty ulttyq saz aspaptaryn jasaýshy sheberlerdiń I

Almatyda  ulttyq saz aspaptaryn jasaýshy sheberlerdiń I Respýblıkalyq kórmesi ótedi

Respýblıkalyq kórmesi ótedi.

Kórmege atalmysh klýbtyń aǵymdaǵy jyly ulttyq mýzykalyq aspaptar jasaýshy jas sheberlerler arasynda ótkizgen baıqaý jeńimpazdarynyń jumystary, ulttyq mýzyka aspaptarynyń 50-den astam túri - qobyz, jetigen, sherter, daýylpaz, sazsyrnaı, zyryldaýyq, sondaı-aq, dombyranyń alýan  túrleri qoıylady.

Ulttyq aspaptar túrimen qatar, almatylyqtar men qala qonaqtary munda aspaptardy jasaýshy jas sheberlermen tanysýǵa múmkindik alady.  Kórmege konkýrs nátıjesinde iriktelgen respýblıkamyzdyń 20 jas sheberi qatysady.

Kórmeniń ashylýy saǵat 16.00-de.

Qazaq halqy sonaý kóne dáýirden bastaý alatyn óziniń qaıtalanbas, biregeı qoldanbaly óner týyndylarymen, jádiger buıymdarymen keń tanymal. Osyndaı has ónerdiń biri - ulttyq mýzyka aspaptaryn jasaý. Halqymyzdyń asa baı mýzykalyq murasy, onyń ishinde saz aspaptary  búginde kásibı mýzyka mádenıetiniń asyl qoryn molaıtyp, sarqylmas qaınar bulaǵyna aınalyp otyr.