Almatyda ulttyq naqyshta Qazaq Auyl ekokesheni salynyp jatyr

ALMATY. QazAqparat – Megapolıs ákimi Baqytjan Saǵyntaev Qazaq Auyl kesheniniń qurylys barysyn tekserdi, dep habarlaıdy QazAqparat tilshisi.

Qazaq Auyl ekologııalyq keshen ulttyq naqyshta Kim-Asar shatqalynda salynyp jatyr. Onda meıramhana, 15 qonaqúı jáne is-sharalarǵa arnalǵan amfıteatr ornalasatyn bolady. Joba boıynsha meıramhanany media Park Hotel qonaqúı-turǵyn úı keshenimen jáne vızıt-ortalyǵymen qosý kózdelgen. Vızıt-ortalyq úshin aqparattyq qyzmetter kórsetiletin jáne týrıstik jabdyqtar satylatyn jeke úı-jaı qarastyrylǵan.

Qazaq Auyl jalpy alańy – 1,3 ga, úı-jaılardyń alańy – 850 sharshy metr. Investıtsııa kólemi – 800 mln teńge. 2022 jyly 20 jumys ornyn qurýmen ekokeshendi paıdalanýǵa berý josparlanǵan.

Joba ekologııalyq týrızmdi damytýdy eskere otyryp ázirlendi. Bul jalpy abattandyrýda, ýchaskeniń josparlaý qurylymynda jáne keshen qurylymyn quraıtyn obektilerdiń kompozıtsııalyq sheshiminde kórinis tapty.

Qoǵamdyq tártipti qamtamasyz etý, tótenshe jaǵdaı týyndaǵan kezde adamdardy kúzetý, evakýatsııalaý jáne qutqarý úshin mamandandyrylǵan avtokóliktiń qoljetimdiligi kózdelgen.