Almatyda «Ulttyq mýzeıge syı tartý» aktsııasy ótedi

Sharaǵa Іlııas Jansúgirov, Tahaýı Ahtanov, Qanysh Sátbaev, Ózbekáli Jánibekov, Álkeı Marǵulan, Serke Qojamqulov, Ázilhan Nurshaıyqov, Erkeǵalı Rahmadıev, Ǵarıfolla Qurmanǵalıev, Káýken Kenjetaev t.b syndy ultymyzdyń birtýar perzentteriniń urpaqtary men týǵan-týystary qatysyp, olardyń kózi tirisinde qoldanǵan qundy jádigerlerin Ulttyq mýzeıge tabystaıdy. Sondaı-aq, elimizge belgili sýretshi, músinshiler de óz týyndylaryn mýzeıge tartý etpek, dep habarlady QR Ulttyq mýzeıiniń baspasóz qyzmeti.

Aktsııa bıylǵy jylǵy 18 naýryzda Astanada Qazaqstan Respýblıkasy Ulttyq mýzeıinde saltannaty túrde bastaý alǵan bolatyn. Sharaǵa QR Premer-mınıstriniń orynbasary Berdibek Saparbaev, Kenen Ázirbaevtyń uly Baqytjan Ázirbaev, Máskeý Olımpıadasynyń chempıony Jaqsylyq Úshkempirov, belgili saıasattanýshy Erlan Qarın, «Qadyr Myrzalıev» qorynyń tóraǵasy Donedil Qajymov, Olımpıada chempıondary - Serik Sápıev, Baqyt Sársekbaev, ıÝrıı Melnıchenko syndy elge belgili azamattar, kollektsıonerler, tanymal tulǵalardyń urpaqtary, sportshylar, jeke adamdar qatysqan edi.

Shara maqsaty - ulttyq tarıhı-mádenı muramyzdy saqtaý máselesine qoǵam nazaryn aýdarý. El arasynda eleýsiz jatqan tarıhı mańyzy zor qundy zattardy, ultymyzdyń iri tulǵalarynyń jádigerlerin kásibı turǵyda saqtaýǵa jáne kópshilik nazaryna usyný úshin Ulttyq mýzeıge tapsyrýǵa úndeý.

«Ulttyq mýzeıge syı tartý» aktsııasyna qatysýshy óziniń kollektsııasyndaǵy qundy jádigerdi, el tarıhyna qatysty eleýli murany nemese elge belgili tulǵanyń qoldanǵan zattaryn mýzeıge saqtaýǵa tabystaıdy. Barlyq syı-tartýlarǵa (jádigerlerge) zańdyq negizde qabyldap alý sharty jasalyp, olar mýzeıdiń qoryna ótkiziletin bolady. Syı-tartýlar negizinde Ulttyq mýzeıde arnaıy kórme uıymdastyrylady.

Aktsııa jyl sońyna deıin jalǵasyp, elimizdiń barlyq aımaǵyn qamtıtyn bolady.