Almatyda ulttyq lotoreıany «lıtsenzııalamaq» bolǵan alaıaq áıel sottaldy
ALMATY. QazAqparat - Almatyda alaıaq áıel óz tanysyna «Bıngo-Loto» Qazaqstan Ulttyq lotoreıasyna» lıtsenzııa alatynyn aıtyp, odan qaryzǵa 5 mln teńge alǵan, dep habarlaıdy QazAqparat tilshisi.
Alaıda, ol óziniń «bıznes-josparyn» jýyq arada júzege asyrýǵa asyqpaǵan. Nátıjesinde jábirlenýshi tanysyn sotqa bergen.
Áıelge QR QK-niń 190-baby 4-bóligimen aıyp taǵyldy.
«Buryn da isti bolǵan azamatsha B. 2016 jyly ózgeniń múlkin urlaý maqsatynda aldaý jáne senimge qııanat etý jolymen, ózin bıznes-ledı retinde kórsetip, 15 000 AQSh dollaryn ıemdengen. Bul aqsha jábirlenýshi J.-ǵa tıesili. Qylmystyq kodekste «asa iri kólemdegi» bolyp klassıfıkatsııalanatyn somma «N.M.» JShS-dan «Bıngo-Loto» Qazaqstan Ulttyq lotoreıasyna» lıtsenzııa alý úshin qajet bolǵan-mys. Sottalýshyda óz mindettemesin oryndaýǵa is júzinde múmkindigi bolmaǵan, solaısha, jábirlenýshige 5 234 400 teńge kóleminde shyǵyn keltirgen», - dedi qalalyq sottyń baspasóz qyzmetinen.
Almaly aýdandyq soty kúdiktini QR QK 190-babynyń 4-bóligimen aıypty dep taýyp, 2 jyl 6 aıǵa bas bostandyǵynan aıyrdy.
Sot úkimi zańdy kúshine engen joq.
