Almatyda Ulttyq qorǵanys ýnıversıteti tyńdaýshylarynyń oqý bitirý saltanaty boldy
ALMATY. Mamyrdyń 21-i. QazAqparat /Ádilet Musahaev/ - Maýsymnyń 19-da Almatydaǵy Ulttyq qorǵanys ýnıversıtetinde Qorǵanys mınıstriniń orynbasary general-maıor Nurlan Jolamanov jeke quramǵa Memleket basshysynyń Jarlyǵymen taǵaıyndalǵan joǵary oqý ornynyń jańa bastyǵy general-maıor Nıkolaı Qýatovty tanystyrdy.
Bul shara ýnıversıtet tyńdaýshylarynyń oqý bitirý saltanatymen tuspa-tus keldi.
Ulttyq qorǵanys ýnıversıtetin bıyl bitiretin 70 túlek «Magıstr» akademııalyq dárejesi boıynsha «Áskerı jáne ákimshilik basqarý», «Áskerı bilim» mamandyǵyn, keıbireýleri «Tehnıkalyq qamtamasyz etýdi basqarý», «Tyldy qamtamasyz etýdi basqarý» jáne «Tárbıe jáne áleýmettik-quqyqtyq úderisterdi basqarý» mamandyqtaryn aldy. Al qyzyl dıplomnan alty túlek úmitker.
Sondaı-aq munda Qorǵanys mınıstrliginiń ofıtserleri ǵana emes, Qazaqstan Respýblıkasynyń basqa da áskerleri men áskerı qurylymdarynyń, jáne de Ujymdyq qaýipsizdik kelisimi uıymyna múshe elder - Qyrǵyzstan men Tájikstannyń ókilderi de oqýdy támamdady.
Ulttyq qorǵanys ýnıversıteti QR Qarýly Kúshteri Áskerı Akademııasynyń quqyqtyq ıelenýshisi bolyp tabylady.
QR Prezıdentiniń Jarlyǵymen 1997 jyly Almaty joǵary áskerı ýchılışesi QR Qarýly Kúshteri Áskerı Akademııasy bolyp quryldy, al 2003 jyly «Ulttyq qorǵanys ýnıversıteti» memlekettik mekemesine aınaldy.
