Almatyda Ulttyq qaýipsizdik komıtetiniń «qyzmetkeri» ustaldy
ALMATY. QazAqparat - Almatyda ózin Ulttyq qaýipsizdik komıtetiniń qyzmetkeri retinde tanystyryp, birqatar zań buzýshylyq jasaǵan 32 jastaǵy er adam ustaldy, dep habarlaıdy QazAqparat tilshisi.
Qalalyq polıtsııa departamentiniń baspasóz qyzmetinen málim etkendeı, arnaıy batalon ekıpajy Seıfýllın men Qabanbaı kósheleriniń qıylysynda «Mersedes» kóligine nazar aýdarǵan. Kóliktiń aldyńǵy jəne eki jaq búıirindegi barlyq terezeler kólegeılengeni kúdik týǵyzǵan.
Kólikti tizgindegen Taraz qalasynyń týmasy Stanıslav Zreınov buǵan deıin QR QK 202-babynyń 1-bóligimen jáne 293-babynyń 2-bóligimen isti bolǵany anyqtaldy.
«Kóligine RF memlekettik tirkeý nómiri ornatylǵany anyqtaldy. Kólikti tekserý kezinde júrgizýshi kórsetken tehnıkalyq pasport ta memlekettik nómir sııaqty jalǵan bolyp shyqty. Odan bólek, kólik bagajynan 4 komplekt memlekettik nómir, kisen, bıta tabyldy. Júrgizýshiniń ózin tekserý kezinde UQK departamenti qyzmetkeriniń jalǵan kýəligi tabyldy. Bul zattardyń barlyǵy QR QK-niń 385-baby boıynsha qozǵalǵan qylmystyq iske zattyq aıǵaq retinde tərkilenip alyndy», - dedi qalalyq Polıtsııa departamentiniń əkimshilik polıtsııa basqarmasynyń basshysy Jandos Muratálıev.
Onyń aıtýynsha, Zreınov QR ƏQK-niń birqatar babyn buzǵandyqtan kólik aıyp turaǵyna qoıyldy.
