Almatyda úlken tennısten Qazaqstannyń ashyq chempıonaty ótedi
ALMATY. 22 shilde. QazAqparat - Almatyda 23-27 shilde kúnderi úlken tennısten "FIDELITY OPEN-2012» dep atalatyn H Qazaqstannyń ashyq chempıonaty ótedi.
2006 jyldan beri eki jylda bir ret uıymdastyrylyp kele jatqan bul jarys bıyl ál-Farabı atyndaǵy Qazaq ulttyq ýnıversıtetiniń tennıs kortynda bolady.
Júlde qory 500 myń teńgeni quraıtyn baıraqty básekeniń uıymdastyrýshysy - Fidelity fıtnes-klýbtar jelisi. 6-12 jas aralyǵyndaǵy balǵyn tennısshilerdiń 3-dárejeli bul dodasyna qatysýshylar Qazaqstan reıtıngin alady. Oǵan kórshiles Ózbekstan men Qyrǵyzstannyń jas tennısshileri de qatysady. Básekege Dmıtrıı Kıreev bastaǵan qazylar alqasy tórelik jasamaq.
