Almatyda úlken tennısten eresekter men áıelder arasynda týrnır ótti
ALMATY. 27 jeltoqsan. QazAqparat /Erbol Turymbetov/ - Búgin Almatyda 2011 jylǵy 7-Qysqy Azııa oıyndaryn nasıhattaý sharalary aıasynda «Gorky tennis park» tennıs klýby kortynda eresekter men áıelder arasynda úlken tennıs týrnıri bolyp ótti.
Saıys qatysýshylary men qonaqtaryn Aq Azıada-2011 belgileri - úrmeli oıynshyqtar qarsy aldy. Sonymen qatar basqa da kórneki quraldardyń barlyǵy aldaǵy dúbirli doda jaıynda aqparatqa toly boldy.
Oıyn qorytyndysynda Dmıtrıı Dmıtrıev, Maıkl Ýrlıh jáne Antonına Gromtsevalar aldyńǵy oryndy jeńip alsa, Laýra Saryqulova, Denıs Valetov, Marat Shahvorostovtar ekinshi, al Sholpan Baıdildına, Muhtar Janseıitov pen Aleksandr Tsoı esimdi sportshylar úshinshi orynǵa turaqtady.
Jeńimpazdar Aq Azıadanyń belgisi beınelengen estelik syılyqtarǵa ıe boldy.
