Almatyda úlken sport kesheni men 50 krossfıt-alań salynady
ALMATY. QazAqparat - Búgin Almaty ákimdigi áleýmettik jaýapkershilik aıasynda eki kompanııamen memorandýmǵa qol qoıdy.
Kelisim aıasynda taraptar sport salasyn damytýǵa jáne qalanyń ekologııalyq qaýipsizdigin arttyrýǵa ýaǵdalasty, dep habarlaıdy qalalyq ákimdiktiń baspasóz qyzmeti.
Qala basshysy Baýyrjan Baıbek el ekonomıkasynyń tiregi bolyp otyrǵan kásipkerlerdiń mańyzyn atap ótip, áleýmettik jaýapkershilikti umytpaı otyrǵany úshin alǵys bildirdi.
«Almaty eldiń JІÓ 20 paıyzyn beredi. 30 paıyzǵa jýyq tabys Almatynyń enshisinde. Munda bıznes-qaýymdastyqty damytý mańyzdy. Qalanyń basty mindeti - ekonomıkalyq turǵydan jaıly ahýal qalyptastyrý, qala ıgiligine qyzmet etem deýshiler bolsa, bárine ashyqpyz», - dedi B.Baıbek.
«Astana banki» AQ dırektorlar keńesiniń tóraǵasy Oljas Toqtarovtyń aıtýynsha, qol qoıylǵan memorandým arqasynda qalalyqtar ıgiligine jaqynda 50 jańa krossfıt alańy men «Strıt Vorkaýt» alańy beriledi.
Sondaı-aq, jas kásipkerlerge arnalǵan kovorkıng-ortalyq pen fın tehnologııasy boıynsha turǵyn úı qurylysy kombınaty boı kóteredi.
«Avtogaz Treıd» kompanııasymen ózara ýaǵdalastyq boıynsha Túrksib aýdanynda zamanaýı sporttyq keshen men 15 balalar alańy salynady.
Sondaı-aq, qalanyń ekologııalyq ahýalyn jaqsartý maqsatynda gaz quıý stansalaryn damytýǵa barynsha jaǵdaı jasalady.
