Almatyda úlgili otbasynan shyqqan alaıaq ustaldy
ALMATY. QazAqparat - Almaty polıtseıleri jalǵa alynǵan oıyn prıstavkalaryn satyp júrgen alaıaqty qolǵa túsirdi, dep habarlaıdy QazAqparat tilshisi qalalyq ІІD baspasóz qyzmetine silteme jasaı otyryp.
Jas jigit halyq tutynatyn taýarlardy satatyn saıttan oıyn prıstavkalary jáne ózge de tehnıkalardy jalǵa berý qyzmetin paıdalanǵan. Ol «Sonı» markaly prıstavkalaryn jalǵa alyp, bazarǵa aparyp satyp jibergen. Osylaısha, 3 oıyn prıstavkasy men 1 teledıdardy zańsyz satyp, 200 myń teńge paıda tapqan.
«Ustalǵannan keıin kinásin moıyndady. Maqsaty materıaldyq jaǵdaıyn túzeý bolǵanyn aıtady. Biraq, aqshaǵa ne úshin, qanshalyqty muqtaj bolǵanyn ashyp aıta almady. Ustalǵan jigit tolyqqandy otbasynan shyqqan. Áke-sheshesi, úıi, bilimi bar. Ol buǵan deıin qylmystyq jaýapkershilikke tartylmaǵan. Ýaqytsha jumysy joq bolǵandyqtan osyndaı qadamǵa barǵan sekildi. Onyń bul áreketi QR QK 190-babynyń 1-tarmaǵy boıynsha alaıaqtyq qylmysyna jatady. Jastardyń, aqsha úshin qandaı da qadam jasaýǵa uıalmaıtyny qynjyltady. Olar, ońaı jolmen kelgen aqshanyń sońynda zań aldynda ózi jaýap beretinin umytpaýy kerek», -deıdi Almaly aýdandyq ІІB basshysy, polıtsııa podpolkovnıgi Danııar Meńdebaev.
Qazirgi ýaqytta ustalǵan 1994 jylǵy Almaty oblysynyń turǵyny ýaqytsha tergeý abaqtysyna qamaldy. ІІD baspasóz qyzmeti atalǵan adamnan zardap shekkender bolsa, 254-46-00; 254-46-01 nemes 254-46-12 nómirine habarlasýdy suraıdy.
