Almatyda Ýkraına Prezıdentin tańdaý boıynsha ýchaskelik saılaý komıssııalary jumys istep jatyr
ALMATY. Qańtardyń 9-y. QazAqparat /Názıra Eleýhan/ - Almatyda bıylǵy jyly qańtar aıynyń 17-sinde ótetin Ýkraına Prezıdentin tańdaý boıynsha ýchaskelik saılaý komıssııalary quryldy,
dep habarlaıdy QazAqparat.
Ýkraına Bas konsýldyǵy Ońtústik aımaqta - Almaty, Jambyl, Qyzylorda jáne Ońtústik Qazaqstan oblystarynda turyp jatqan, jasy 18-den asqan óz elderiniń azamattaryn daýys berýge shaqyrady. Saılaý 2010 jyldyń qańtar aıynyń 17-sinde saǵat 8.00-den 20.00-ge deıin, №39-shy saılaý ýchaskesinde, Ýkraına Bas konsýldyǵy ornalasqan ǵımaratta ótedi.
Saılaýǵa deıin ýchaskelik komıssııa saılaýshylardy jumys ýaqyty boıynsha saǵat 16.00-den 19.00-ge deıin qabyldaıdy.
