Almatyda úkimettik emes uıymdardyń VІ qalalyq forýmy ótedi
Y. Qyrkúıektiń 10-y. QazAqparat /Erlik Erjanuly/ - Almatyda qyrkúıektiń 29-y kúni úkimettik emes uıymdardyń VІ qalalyq forýmy ótedi dep habarlaıdy QazAqparat.
Ony "Órleý" mádenı-tarıhı qory men Almaty qalasy ákimshiligi birlesip uıymdastyryp otyr. Dástúrli túrde jyl saıyn ótetin bul shara kezinde áleýmettik máni bar eń ózekti máseleler kóteriledi. Memleket basshysy «Jańa onjyldyq - jańa ekonomıkalyq órleý - Qazaqstannyń jańa múmkindikteri» dep atalatyn Joldaýynda - memleket sheshe almaıtyn nemese aýyrsynatyn kúrdeli áleýmettik máselelerdi úkimetik emes uıymdar óz moınyna alýlary kerek degen edi.
Forýmda bıyl sóz bolatyn negizgi taqyryptar mynalar bolmaq. "Saıası júıeni demokratııalandyrý jáne azamattyq qoǵam ınstıtýtyn nyǵaıtý boıynsha memlekettik baǵdarlamalardy iske asyrýdyń jańa múmkindikteri». Almaty qalasyndaǵy áleýmettik áriptestiktiń tıimdi júıesin jetildirý: memlekettik bılik pen ÚEU-dyń áleýmettik áriptestigi». «Monıtorıgti táýelsiz baǵalaý jáne áleýmettik tapsyrystyń oryndalýyn baǵalaý - memlekettik áleýmettik tapsyrysty ary qaraı damytý». «Bilim berý - Memlekettik baǵdarlama». «Densaýlyq saqtaý - Salaýatty ómir salty». «Azıada 2011 - Eriktiler». «Ómir súrý sapasyn jaqsartý, turǵyndardy jumyspen qamtý, áleýmettik qorǵaý». «Qazaqstannyń EQYU-na tóraǵalyǵy». «Jastar - stýdent jastardyń máseleleri».
