Almatyda Úkimettik emes uıymdardyń alǵashqy kúntizbesi jaryq kórdi
ALMATY. Qańtardyń 14-i. QazAqparat /Názıra Eleýhan/ - Almatyda úimettik emes uıymdardyń 2010 jylǵa arnalǵan «On eki: oılar, jobalar, ÚEU-lar, súıkimdi tulǵalar» dep atalatyn alǵashqy kúntizbesiniń tanystyrylymy boldy,
dep habarlaıdy QazAqparat.
Qabyrǵaǵa ilinetin kúntizbege elimizdiń úkimettik emes uıymdarynyń 12 tanymal tulǵasy men kóshbasshylary engizilgen. Olardyń qatarynda «Astana - ÚEU qoldaý ortalyǵy», Qazaqstan daǵdarystyq ortalyqtarynyń odaqtary, «Tańsári» balalar teatry jáne taǵy da basqa uıymdar men ortalyqtar bar. Sonymen qatar basylymǵa iri qoǵamdyq uıymdardyń meken-jaılary men saıttary engen.
«Bul úkimettik emes uıymdardyń alǵashqy, tuńǵysh kúntizbesi. Elimizdiń EQYU-ǵa tóraǵalyq etýi kezinde bul ózekti bolyp tabylady», dedi Qazaqstan Jastar medıa odaǵynyń dırektory Svetlana Galıeva. Onyń aıtýynsha, kúntizbe ÚEU-lar jobalary men máselelerine de erekshe nazar aýdartady.
Almaty ákimdiginiń ishki saıasat basqarmasynyń dinı birlestikter men ÚEU-men jumys júrgizý boıynsha bólim bastyǵy Tolqyn Sámetovanyń sózine qaraǵanda, ÚEU-lardyń áleýeti joǵary jáne bul baǵytta qalalyq bılik olarǵa qoldaý kórsetýge daıyn.
Kúntizbe Qazaqstan Jastar medıa odaǵynyń bastamashylyǵymen jáne «Koleso» ıdeıalar úıiniń qoldaýymen jaryq kórdi.
