Almatyda ýchaskelik saılaý komıssııalary úshin oqytý semınarlary bastaldy
ALMATY. QazAqparat- Almatyda ýchaskelik saılaý komıssııalary úshin oqytý semınarlary bastaldy. Bul týraly búgin Almatyda ótken baspasóz máslıhaty barysynda Almaty qalasynyń aýmaqtyq saılaý komıssııasynyń tóraǵasy Baqytjan Dospanov málim etti.
«Almaty qalalyq saılaý komıssııasy ýchaskelik saılaý komıssııalaryna arnalǵan oqytý semınarlarynyń kestesin jasady. Búgin alǵashqy semınar tústen keıin Jetisý aýdanynda ótkiziledi. Aldaǵy ýaqytta segiz aýdandaǵy barlyq 532 ýchaskelik saılaý komıssııalary túgelimen qamtylady. Oqytý semınarlary aldaǵy 11 naýryzda aıaqtalady», - dedi B. Dospanov.
Ol sonymen qatar, qazirgi tańda Almatydaǵy barlyq 37 saılaý okrýginde tirkelgen saılaýshylardyń sany shamamen ózara teń ekendigin jetkizdi. ıAǵnı, árbir okrýgtegi saılaýshylardyń sany orta eseppen - 28000 adamdy quraıdy.
«2016 jyldyń 20 naýryzynda, ıaǵnı QR Parlamenti Májilisi men Almaty qalalyq Máslıhatyna depýtattar saılaý kúni qala boıynsha 578 saılaý komıssııasy jumys isteıtin bolady. Olardyń ishinde 9 - aýmaqtyq, 37 - okrýgtyq jáne 532 - ýchaskelik saılaý komıssııasy tirkelgen.
Aıta ketelik, qazir Almaty qalasy boıynsha 532 saılaý ýchaskesi bar. Olardyń ishinde Alataý aýdanynda - 55, Almaly aýdanynda - 85, Áýezov aýdanynda - 93, Bostandyq aýdanynda - 95, Jetisý aýdanynda - 47, Medeý aýdanynda - 66, Naýryzbaı aýdanynda - 28 jáne Túrkisib aýdanynda - 63 saılaý ýchaskesi tirkelgen.
