Almatyda ýchaskelik ınspektorlar jetispeıdi
ASTANA. 4 aqpan. QazAqparat - Búgingi kúni Almaty qalasynda ýchaskelik ınspektorlar tapshy. Bul týraly Almaty qalalyq ákimdiginde quqyq qorǵaý organdarynyń ótken jyly atqarǵan jumystaryn qorytyndylaý jıynynda qala basshysy Ahmetjan Esimov málim etken.
Ákimdiktiń baspasóz qyzmeti habarlamasyna qaraǵanda, normatıvke sáıkes, adam sany 3 myńǵa jetken jerde bir ýchaskelik ınspektor qyzmet etýi shart. Alaıda, Almaty qalasynda 4 myń adamǵa bir ýchaskelik ınspektordan kelip otyr. Osyǵan oraı, 2011 jyly Almaty ákimdigi ІІM aldyna qalada ýchaskelik ınspektorlar sanyn 123-ke kóbeıtý týraly másele qoıǵan bolatyn. Olardy qarjylandyrýǵa 230 mln. teńge bólindi.
Jıyn barysynda Ahmetjan Esimov qalada derbes jumys jasaıtyn ekologııalyq polıtsııa bólimshesin qurý qajettigin de alǵa tarty. «2012 jyly biz 13 ekopost quryp, syrttan keletin kóliktiń qalaǵa kirýin shekteý maqsatynda 56 gazoanalızator aldyq. Bıyl biz olardyń sanyn arttyryp, avtotransportqa talapty kúsheıtetin bolamyz. Mashınanyń tehnıkalyq baqylaýyn durys deńgeıde júrgizbegen stantsııalardy da synǵa alǵan jón. Bul qyzmet kórsetý básekelestik týdyrǵanymen, qyzmet sapasy tómen»,- dep atap ótti ákim. Qala basshysy ekologııalyq polıtsııanyń quzyryna jabaıy saýdany boldyrmaý, týrıster jıi bolatyn taýly aımaqta qaýipsizdikti saqtaý kiretindigin de jetkizdi.
