Almatyda ýchaskelerge birinshi bolyp kelgen saılaýshylarǵa syılyqtar tabys etildi
ALMATY. 3 sáýir. QazAqparat /Sara Mustafına/- Almatydaǵy barlyq saılaý ýchaskeleri esikterin belgilengendeı, tańǵy saǵat 7.00-de aıqara ashty.
Bul týraly QazAqparat tilshisine qalalyq saılaý komıssııasynyń tóraǵasy Ádil Júnisov habarlady.
Onyń aıtýynsha, qaladaǵy barlyq 467 saılaý ýchaskesinde saltanatty kóńil-kúı ornaǵan. Ýchaskelerge birinshi bolyp kelgen saılaýshylarǵa erekshe nazar aýdaryldy, olarǵa gúl shoqtary tabys etildi.
Kámelet jasyna tolyp, alǵash ret daýys bergeli otyrǵan elimizdiń jas azamattary da, aýrý-syrqaýlaryna, jaısyz aýa-raıyna qaramastan, daýys berýge kelgen qarııalar da nazardan tys qalǵan joq. Olarǵa da tartý-taralǵylar jasaldy.
«Bul bizdiń azamattyq boryshymyz», - deıdi búgin aýa raıy kúrt buzylǵanyna qaramaı, daýys berýge kelgen Almatynyń turǵyndary.
Ádil Júnisovtyń habarlaýynsha, tańǵy saǵat 10.00-daǵy jaǵdaı boıynsha Almaty qalasynyń 50 185 turǵyny daýys berdi.
