Almatyda UBT tapsyrý bastaldy
ALMATY. QazAqparat - Búgin ál-Farabı atyndaǵy QazUÝ bazasynda UBT bastaldy. Bir kúnde eki lek bolady. Bul týraly Almaty qalasynyń óńirlik kommýnıkatsııalar qyzmeti málim etti, dep habarlaıdy QazAqparat tilshisi.
Ulttyq biryńǵaı testileýge qatysýshylar ulttyq ýnıversıtet ǵımaratynyń aldyna saǵat 7:30-da jınaldy. Ár adam tekserýden ótti: jeke basyn sáıkestendirý, sanıtarlyq óńdeý, sondaı-aq tyıym salynǵan gadjetterdiń bar-joǵyn vızýaldy tekserý.
QR Bilim jáne ǵylym mınıstrliginiń Ulttyq testileý ortalyǵynyń ókili Jandos Qumǵanbetov bıyl Almatyda 11 myńnan astam túlek UBT tapsyratynyn aıtty. Olardyń árqaısysynyń eki múmkindigi bar, birinshi kezeń 10 naýryzdan 26 sáýirge deıin ótti, ol joǵary oqý ornyna aqyly negizde oqýǵa túsýge múmkindik beredi. Búginnen bastap 6 mamyrda grantqa túsýge múmkindik beretin UBT bastaldy. Testileý 30 maýsymǵa deıin jalǵasady.
«UBT – ny eki lek boıynsha ótkizemiz, tańerteń saǵat 9.00-den 13.00-ge deıin jáne tústen keıin saǵat 14.00-den 18.00-ge deıin. Bul karantın sharalaryn saqtaý maqsatynda jasaldy, árbir oqýshynyń óz derbes kompıýteri bar, al nátıjesin test aıaqtalǵannan keıin birden bilýge bolady», - dedi QR Bilim jáne ǵylym mınıstrliginiń ókili Jandos Qumǵanbetov.
Ulttyq testileý ortalyǵynyń ókili UBT-nyń elektrondyq formaty jańa zaman talaby ekenin, onyń ústine ol oqýshylardy qatty kúızeliske túsirmeıtinin aıtty.
QazUÝ bazasynda Aqparattyq qaýipsizdik qatań saqtalǵan, sanıtarlyq normalardyń saqtalýyn, sondaı-aq aýdıtorııaǵa tyıym salynǵan zattardyń ákelinbeýin qadaǵalaıtyn qyzmetkerler kezekshilik atqarady. Ázirge buzýshylyqtar anyqtalǵan joq.
Karantındik sharalardyń qatań saqtalýyn medıtsına qyzmetkerleri, sondaı-aq Ulttyq testileý ortalyǵynyń ókilderi qadaǵalaıdy. Tekserýshiler, onyń ishinde ıývenaldy polıtsııa qyzmetkerleri búkil perımetr boıynsha bólindi, olar tártipti qadaǵalap, testileý pýnktine bóten adamdardy jibermedi.
Ýnıversıtet aýmaǵyna bóten adamdarǵa ruqsat etilmeıdi, biraq ata-analarǵa protsesti syrttan baqylaýǵa ruqsat etildi, biraq birge kelgender az boldy. Tek qala mańynda turatyn túlekterdiń ata-analary keldi.
Aıta keteıik, bıyl testilenýshiler Face-ID boıynsha sáıkestendirýden ótedi. Oqýshylar jeke tulǵalar memlekettik bazasy arqyly tekseriledi. Tyıym salynǵan zattardy (smartfondar, shpargalkalar) anyqtaý úshin otandyq proktorıng júıesi de qoldanylady. Testileý kezinde tyıym salynǵan zattar tabylǵan jaǵdaıda oqýshy aýdıtorııadan shyǵarylady.
