Almatyda Ýálıhanov kóshesiniń bir bóligi úsh aıǵa jabylady

ALMATY. QazAqparat - Almatyda Shoqan Ýálıhanov kóshesiniń bir bóligi úsh aıǵa jabylady, dep habarlaıdy QazAqparat tilshisi.

28 mamyr men 31 tamyz aralyǵynda Sh. Ýálıhanov kóshesiniń M. Mámetova men Álimjanov kósheleri aralyǵynda kólik qozǵalysy shekteledi.

Engiziletin shekteýler osy kóshedegi jerasty magıstraldy qubyryn josparly jóndeý qajettigimen baılanysty.

«Jergilikti turǵyndarǵa qolaıly jaǵdaıdy saqtaý úshin úılerge ystyq sý ýaqytsha shema boıynsha beriletin bolady»,- delingen habarlamada.

«Almaty jylý júıesi» kompanııasynyń ókilderi májbúrli qolaısyzdyqtarǵa túsinistikpen qarap, atalǵan ýchaskeni aınalyp ótý baǵyttaryn aldyn ala josparlap alýdy suraıdy.