Almatyda TJD ókilderi qulaǵan kran jaıly túsinikteme berdi
ALMATY. QazAqparat - Qalalyq Tótenshe jaǵdaılar departamentiniń mamandary qurylys kompanııasyn teksere almaı otyr. Oǵan jaqynda jarııalanǵan ShOB sýbektilerin tekserýdi toqtatý týraly moratorıı qolbaılaý bolyp otyrǵan kórinedi.
Bul týraly QazAqparat tilshisine qalalyq TJD TJD kótergish qurylǵylarmen jumys isteýdi baqylaý bóliminiń bas mamany Dúısekenov Dáýren aıtty. Aıta keteıik, buǵan deıin biz qaladaǵy qurylys nysanynda munaralyq kran qulap, 49 jastaǵy jumysshy jaralanǵanyn habarlaǵan bolatynbyz. «Bizdiń bul kompanııany tekserýge quqyǵymyz joq. Óıtkeni, kompanııa ShOB sanatyna jatady. Bizdiń tekserýge shyǵýymyz úshin kompanııa bizge jazbasha túrde usynys jasaýy kerek. Ári kran da kompanııanyń atyna tirkelmegen. Olar krandy tirkep úlgermedik dep otyr», - dedi qalalyq TJD kótergish qurylǵylarmen jumys isteýdi baqylaý bóliminiń bas mamany Dúısekenov Dáýren. Mamannyń aıtýynsha, qazirgi tańda adamdardyń ómirine qaýip tóndiretin zattardy óndirýmen nemese tasymaldaýmen aınalysatyn, biraq ShOB sanatynan jatatyn kásiporyndar da tekserýden tys qalyp otyr. «Óte ýly zattarmen bolmasa janar-jaǵarmaımen jumys isteıtin kásiporyndar ózara qaýiptiligi joǵary, ortasha, tómen dep bólinedi. Birinshi sanattaǵy kásiporyndar jylyna 1 ret, ekinshisi - 3 jylda bir ret, úshinshisi - 5 jylda bir ret tekseriledi», - dep qorytyndylady bas maman.
